لە کاتی سووڕی مانگانەدا، بەهۆی گۆڕانکارییە هۆرمۆنییەکان، جەستەی ئافرەت پێویستی بە خۆراکی تەندروستە بۆ کەمکردنەوەی ئازار و نیشانەکانی وەک ئاوسانی سک و ماندوێتی. بۆیە باشترە خۆت بەدوور بگریت لەم جۆرە خۆراکانە:
١: خۆراکە سوێرەکان (خوێی زۆر):
خوێ دەبێتە هۆی کۆبوونەوەی ئاو لە لەشدا، ئەمەش دەبێتە هۆی ئاوسانی سک و هەستکردن بە قورسی و ناڕەحەتی. هەوڵ بدە خواردنە لە قوتوونراوەکان و چپس و ئەوشتانەی خوێیان زۆرە کەم بکەیتەوە.
٢: کافاین (قاوە و چا):
کافاین دەبێتە هۆی تەنگبوونی بۆرییەکانی خوێن و لەوانەیە ئازاری سەرئێشە زیاد بکات. هەروەها کافاین پەیوەندی هەیە بە توندترکردنی ئازاری گرژبوونی منداڵدان (سکچوون و ئازاری سک).
٣: شەکر و شیرینییە دەستکردەکان:
خواردنی شیرینی زۆر دەبێتە هۆی بەرزبوونەوە و دابەزینی خێرای ئاستی شەکر لە خوێندا، ئەمەش وادەکات زیاتر هەست بە ماندوێتی و بێزاری بکەیت و گۆڕانکاری لە باری دەروونیدا زیاتر بکات.
٤: خۆراکە چەورەکان و سوورکراوەکان:
خۆراکی خێرا (Fast food) و خۆراکی سوورکراوە بە زەیتی ناتەندروست، دەبنە هۆی هەوکردن لە لەشدا و لەوانەیە ئازاری سک زیاتر بکەن.
٥: بەرهەمە شیرییەکان:
هەندێک لە ئافرەتان لەم کاتەدا هەستیارییان بەرامبەر بە شیرەمەنییەکان زیاتر دەبێت (وەک شیر و پەنیر)، کە دەبێتە هۆی ئاوسانی سک و گاز. ئەگەر هەستت بەوە کرد،بە شێوەیەکی کاتی کەم لێیان دوور بکەوەرەوە.
٦: گۆشتی سوور:
گۆشتی سوور ڕێژەیەکی زۆر لە (پرۆستاگلاندین)ی تێدایە، کە ماددەیەکە دەبێتە هۆی گرژبوونی منداڵدان و زیادکردنی ئازاری سووڕی مانگانە.
ئامۆژگارییەک بۆ خانمان:
لە جیاتی ئەمانە، هەوڵ بدە زیاتر سەوزەوات، میوە، ماسی، و چەرەسات بخۆیت کە دەوڵەمەندن بە مەگنیسیۆم و ئۆمێگا-3، چونکە یارمەتی کەمکردنەوەی ئازار و دڵەڕاوکێ دەدەن. هەروەها خواردنەوەی ئاوی زۆر لەم کاتەدا زۆر گرنگە.
وەڵامێک بنووسە