جگەرە کێشان زەرەری لەسەر کۆرپەلە هەیە کاتێک ئافرەتێک جگەرە دەکێشێت پێش لەدایکبوونی و دوای لەدایکبوونی کۆرپەکە، چونکە لەکاتی دووگیانیدا دایک خۆراک و ئۆکسجین لە ڕێگەی ناوکە پەتکەوە ئامادە دەکات و دەگوازرێتەوە بۆ کۆرپەلە، هەروەها ماددە کیمییاوییە زیانبەخش و ژەهراوی کە لە جگەرەکێشان دروست دەبێت دەگوازرێتەوە بۆ کۆرپەلە.
زیانەکانی ئەمانەن:
١: نیکۆتین کە لە جگەرە هەیە زەرەری بۆ گەشەی مێشک و سی کۆرپەلە هەیە.
٢: ئافرەتی جگەرەکێش ئەگەری منداڵی نا کام و پێش وەختە زۆر زیاترە لە چاو ئەو ئافرەتانەی کە جگەرە ناکێشن.
٣: ئافرەتی دووگیانی جگەرەکێش زیاتر تووشی لەبارچوون و خوێن بەربوون و دووگیانی دەرەوەی منداڵدان دەبن، ئەمەش ئەگەری مردنی منداڵ و دایکەکە زیاتر دەکات.
٤: ئەو کۆرپەیە کە لەدایک دەبێت فرمانی سییەکانی کەمترە و ئەگەری تووشبوون بە ڕەبۆیان زیاترە لە چاو ئەو کۆرپانەی کە دایکەکە جگەرە ناکێشێت.
٥:جگەرەکێشان لە کاتی دووگیانی مەترسی پەیدابوونی تێکچوونی زگماگی زیاترە وەک لێو کەروێشک یا درەنگ فێربوونی گەشەی منداڵەکە.