خوێنبەربوونی دوای منداڵبوون یەکێکە لە هۆکارە باوەکانی مردنی دایک لە دوای منداڵبوون، کاتێک ڕوودەدات کە بڕی ئەو خوێنەی کە دایک لەدەستی دەدات لە دوای لەدایکبوون سنووری ئاسایی و مامناوەند تێدەپەرەنێت یان بڕێک بێت کە کاربکاتە سەر دۆخی تەندروستی دایکەکە، زۆرجار خوێنبەربوونی دوای منداڵبوون ڕاستەوخۆ دوای منداڵبوون ڕوودەدات و ڕەنگە هەندێک جار هەفتەیەک دوا بکەوێت.
هۆکارەکانی خوێنبەربوونی دوای منداڵبوون:
گرژبوونی منداڵدان لە سەرەتای منداڵبوون دەست پێدەکات بۆ ئاسانکاری دەرچوونی منداڵەکە وە منداڵدان، بەردەوام دەبێت لە گرژبوون تا ویلایشیش دێتە دەرەوە و لولە خوێنەکان بەو گرژبوونە دادەخرێن خوێنبەربوون روودەدات ئەگەر منداڵدان بە شێوەیەکی بەهێز گرژ نەبێت و گرژبوونەکان لاواز بن ئەمەش گرینگترین هۆکاری خوێنبەربوونی دوای منداڵبوونە.
هەندێک لە هۆکارەکانی تر ئەمانەن:
١: مانەوەی بەشێک یان پارچەیەک لە ویلاش لەناو منداڵدان
٢: تەقینی بۆری خوێن لەناو منداڵدان
٣: تەقینی منداڵدان
٤: کێشەی خوێن مەین
٥: دووگیانبوون بە دووانە واتا بوونی زیاتر لە یەک ویلاش و گەورەبوونی قەبارەی منداڵدانەکە
٦: ویلاش لە شوێنی ئاسایی خۆی نەبێت
٧: هەوکردن
٨: کێشەی زگماگی لە لولەی خوێن
سەرچاوە: دکتۆرە هدی محی الدین
وەڵامێک بنووسە