خەوی باش لە ماوەی دووگیانیدا پێویستییەکی گرنگە بۆ تەندروستی دایک و کۆرپەلە. بەداخەوە، بەهۆی گۆڕانکارییە هۆرمۆنییەکان، قەبارەی سک، و دڵەڕاوکێ، زۆربەی ئافرەتان بەدەست کێشەی خەوزڕانەوە دەناڵێنن.


١: ڕێکارە کردارییەکان بۆ باشترکردنی خەو:
شێوازی نووستن (لای چەپ): زانستی پزیشکی پێشنیار دەکات کە ئافرەتی دووگیان لەسەر لای چەپ بخەوێت. ئەمە دەبێتە هۆی باشترکردنی سووڕی خوێن بۆ دڵ هەروەها گوشار لەسەر جگەر کەم دەکاتەوە.
بەکارهێنانی سەرینی زیاتر: بەکارهێنانی سەرین لە نێوان ئەژنۆکان، لە پشت، و لە ژێر سک دەبێتە هۆی کەمکردنەوەی ئازاری پشت و دابینکردنی پاڵپشتی بۆ جەستە.


٢: ڕێکخستنی کاتەکانی خواردن و خواردنەوە:
دوورکەوتنەوە لە خواردنی قورس و تیژ (بەهارات) پێش خەوتن بۆ کەمکردنەوەی دڵەکزێ.
کەمکردنەوەی خواردنەوەی شلەمەنی بەتایبەت لە کاتژمێرەکانی کۆتایی ڕۆژدا بۆ کەمکردنەوەی چوون بۆ توالێت لە شەودا.
چالاکیی جەستەیی: ئەنجامدانی ڕاهێنانی سووک (وەک ڕۆیشتن بە پێ) بە ڕێنمایی پزیشک یارمەتی کەمکردنەوەی ئازاری ماسولکەکان و باشترکردنی خەو دەدات، بەڵام نابێت ڕاهێنانەکان لە کاتژمێرەکانی کۆتایی شەودا بن.


٣: ڕێکارە ژینگەییەکان (خووی تەندروست):
دروستکردنی ژینگەیەکی گونجاو: ژوورەکەت سارد، تاریک و بێدەنگ بێت.
دوورکەوتنەوە لە شاشەکان: بەکارهێنانی مۆبایل و تابلێت لانیکەم یەک کاتژمێر پێش خەوتن بەهۆی تیشکی شینەوە دەبێتە هۆی تێکچوونی هۆرمۆنی مێلاتۆنین (هۆرمۆنی خەو).
هێمنکردنەوەی مێشک: ئەنجامدانی ڕاهێنانی هەناسەدانی قوڵ، یۆگای تایبەت بە دووگیانی، یان خوێندنەوەی کتێب یارمەتی کەمکردنەوەی دڵەڕاوکێ دەدات.