دابینکردنی تەندروستییەکی باش بۆ ئافرەتان لە دوای منداڵبوون یەکێکە لە گرنگترین قۆناغەکان، چونکە جەستە و مێشک پێویستیان بە پشوو و چاکبوونەوە هەیە.


لێرەدا گرنگترین ئەو ڕێنمایی و هەنگاوانە دەخەینە ڕوو کە یارمەتیدەرن بۆ پاراستنی تەندروستی جەستەیی و دەروونی لە دوای منداڵبوون:


۱. خۆراک و ڕێجیمی تەندروست:
خۆراکی دەوڵەمەند بە ماددە خۆراکییەکان: جەستەی دایک لە دوای منداڵبوون پێویستی بە وزە هەیە، بەتایبەت ئەگەر منداڵەکە شیر بدرێت. گرنگە ژەمی پڕ لە سەوزە، میوە، پروتین (وەک گۆشت، ماسی، هێلکە) و دانەوێڵەی تەواو بخورێت.


٢. خواردنەوەی بڕێکی زۆر لە ئاو: شلەمەنی بەتایبەت ئاو یارمەتیدەرە بۆ بەرهەمهێنانی شیر، ڕێگریکردن لە قەبزی (کە لەم قۆناغەدا باوە)، و گەڕانەوەی هاوسەنگی شلەی جەستە.


٣. بەردەوامبوون لەسەر ڤیتامینەکان: زۆر جار پزیشک ئامۆژگاری دەکات کە دایکەکە بۆ ماوەیەک دوای منداڵبوونیش بەردەوام بێت لە خواردنی ڤیتامینەکان (وەک ئاسن و ڤیتامین دی) بۆ قەرەبووکردنەوەی کەمییەکانی جەستە.


٤. پشوو و خەوتن:
پشوو وەرگرتن لەگەڵ خەوی منداڵدا: خەوتنی شەو لەم ماوەیەدا تێکدەچێت، بۆیە زۆر گرنگە دایکەکە لەگەڵ هەر کاتژمێرێک کە منداڵەکەی دەخەوێت، ئەویش پشوو وەربگرێت و بخەوێت.

٥. داوای یارمەتی بکە: هەموو کارەکانی لەسەر شانتە مەیکە بەڵکو، داوا لە هاوسەر، خێزان یان کەسانی نزیک بکە لە ئیشی ماڵەوە یان بەخێوکردنی منداڵەکەدا هاوکاریت بکەن


٦. چاودێری تەندروستی پزیشکی:
سەردانیکردنی پزیشک (پشکنینی دوای منداڵبوون): گرنگە سەردانی پزیشک بکەیت بۆ دڵنیابوونەوە لە چاکبوونەوەی تەواوی کۆئەندامی زاوزێ و برینەکان (ئەگەر نەشتەرگەری یان دروورینە هەبێت).


٧. گرنگیدان بە تەندروستیی دەروونی: دڵتەنگی و گۆڕانی هۆرمۆنات لە دوای منداڵبوون زۆر باوە. ئەگەر هەست بە خەمۆکییەکی قورس، دڵەڕاوکێی زۆر، یان دوورکەوتنەوە لە منداڵەکەت کرد، پێویستە بێ دودڵی ڕاوێژ بە پزیشک یان ڕاوێژکاری دەروونی بکەیت.


٨. جووڵە و وەرزشی سووک
دوورکەوتنەوە لە قورسایی: بۆ چەند هەفتەی یەکەم (بەپێی جۆری منداڵبوونەکە، ئایا سروشتییە یان نەشتەرگەری) نابێت هیچ شتێکی قورس هەڵبگیرێت یان وەرزشی قورس ئەنجام بدرێت.


٩. پیاده‌ڕەوی سووک: دوای ڕێگەپێدانی پزیشک، پیاده‌ڕەوییەکی کورت و سووک یارمەتیدەرە بۆ چالاککردنی سووڕی خوێن و دوورکەوتنەوە لە مەیینی خوێن.


١٠. وەرزشی ڕێکوپێکی حەوز: ئەم وەرزشانە یارمەتی بەهێزکردنەوەی ماسولکەکانی ناوچەی حەوز و کۆئەندامی میز دەدەن لە دوای منداڵبوون.