کۆمەڵێک ڕۆتینی ڕۆژانە و بەکارهێنانی هەندێک ڕێکاری تەندروستی سادەیە. لێرەدا کۆمەڵێک ڕێنمایی گرنگ بۆ پاراستنی پێستی منداڵەکەت دەخەینە ڕوو:
١: پاکوخاوێنی ڕۆژانە:
خۆشتنی گونجاو: منداڵ پێویست ناکات هەموو ڕۆژێک بە سابوون بشۆردرێت، چونکە سابوون زەیتی سروشتی پێست لادەبات. پێویستە سابوونی تایبەت بە منداڵ بەکاربهێنیت کە بۆن و ماددەی کیمیایی بەهێزی تێدا نەبێت.
وشککردنەوەی پێست: دوای خۆشتن، بە خاولییەکی نەرم بە شێوەی دەستلێدان (نەک بە کێشان) پێستی منداڵەکە وشک بکەرەوە، بەتایبەت ئەو شوێنانەی کە پێست دەبێتە دوو چین (وەک بن باڵ، نێوان ڕانەکان).
٢: شێدارکردنی پێست:
بەکارهێنانی کرێم یان لۆشنێکی سروشتی و بێ بۆن دوای خۆشتن یارمەتیدەرە بۆ هێشتنەوەی شێداریی پێست. ئەمە ڕێگری دەکات لە وشکبوونەوە و درزبردن کە دەبێتە هۆی هەستیاری.
٣: پاراستن لە خۆر:
منداڵی خوار تەمەن ٦ مانگ نابێت ڕاستەوخۆ بەر تیشکی خۆر بکەون.
بۆ منداڵی گەورەتر، کاتێک دەچنە دەرەوە لە کاتەکانی نێوان ١٠ی بەیانی تا ٤ی ئێوارە، کرێمی دژەخۆری تایبەت بە منداڵ بەکاربهێنە و جلی قوماشی نەرم و کڵاوی پان کە سەرووی ڕوخساریان دابپۆشێت لەبەریان بکە.
٤: هەڵبژاردنی جلی گونجاو:
باشترین جۆر بۆ پێستی منداڵ لۆکەیە (Cotton) جلی لۆکە ڕێگە بە پێست دەدات هەناسە بدات و ئارەقە هەڵدەمژێت، ئەمەش ڕێگری دەکات لە دروستبوونی زیپکە یان حەساسیەت بەهۆی ئارەقەوە.
٥: گۆڕینی دایبی بە زوویی:
بۆ ڕێگریکردن لە سووربوونەوەی ناوچەی دایبی پێویستە بە زوویی دایبییەکە بگۆڕیت کاتێک تەڕ دەبێت. ناوچەکە بە ئاو بشۆ و بهێڵە هەوای بەر بکەوێت پێش ئەوەی دایبییەکی نوێی بۆ ببەستیت.
٦: دوورکەوتنەوە لە ماددە کیمیاییەکان:
جلی منداڵ بەو سابوون یان پاککەرەوانە مەشۆ کە بۆنێکی زۆر بەهێزیان هەیە، چونکە پاشماوەی ئەو ماددانە دەبنە هۆی هەستیاری پێست.
دوور بکەوەرەوە لە بەکارهێنانی بۆن (عەتر) یان لۆشنی پڕ بۆن بۆ منداڵ.
٧: چاودێری خۆراک:
هەندێک جار حەساسیەتی پێست پەیوەندی بە جۆرێک لە خۆراکەوە هەیە. ئەگەر بە بەردەوامی منداڵەکەت کێشەی پێستی هەبوو، ڕەنگە پێویست بکات کە پزیشک بیبینێت.
وەڵامێک بنووسە