ئەگەر باری تەندروستیت جێگیر بێت گەشتکردن لە کاتی دووگیانی سەلامەتە و دەشکرێت ببیته ئەزموونێکی خۆش بەڵام چەند ڕێنماییەک هەیە پێویستە لەبەرچاو بگیرێت بۆ ئەوەی دووربیت لە هەر ئاڵۆزییەکی تەندروستی.
١. باشترین کات بۆ گەشتکردن:
بەگشتی مانگی ٤ بۆ ٦ بە باشترین کات دادەنرێت بۆ گەشتکردن و لەم ماوەیەدا ڕشانەوە و دڵ تێکەڵاتنی سەرەتا کەم دەبێتەوە، وزەت زیاترە و مەترسییەکانی وەک لەبارچوون یان لەدایکبوونی پێشوەختە لە چاو سەرەتا و کۆتایی دووگیانییەکە کەمترن.
٢. پێش گەشتکردن ڕاوێژ بە پزیشک بکە:
پێش ئەوەی پلانی گەشتەکەت دابنێیت سەرەتا سەردانی پزیشک بکە و ڕەزامەندی لەو وەربگرە.
٣. ڕێنماییەکانی ناو گەشت (فڕۆکە یان ئۆتۆمبێل):
پێویستە هەموو سەعاتێک کەمێک پیاسە بکەیت. ئەگەر لە ناو فڕۆکە بوویت، هەوڵبدە کورسیی تەنیشت ڕێڕەوەکە بگریت بۆ ئەوەی ئاسانتر هاتووچۆ بکەیت.
پشتێنی دڵنیای لە ژێر سکت ببەستە.
جلی فراوان و پێڵاوی ئارام لە پێبکە.
٤. خواردن و خواردنەوە
بڕێکی زۆر ئاو بخۆرەوە.
تەنها ئەو خواردنانە بخۆ کە باش کوڵاون، دووربکەوەرەوە لە سەوزەی نەشۆراوە، و گۆشتی کاڵ.