١: زیادبوونی بەردەوامی کێشی جەستە: تەنانەت لەگەڵ پەیڕەوکردنی سیستەمێکی خۆراکی تەندروست و وەرزشکردن.
٢: کەمخەویی و تێکچوونی سیستەمی خەو: ڕەنگە یەکێک بێت لە نیشانەکانی تێکچوونی هۆڕمۆنەکان.
٣: ئارەقکردنەوەیەکی زۆر نا ئاسایی: یەکێک لە هۆکارەکانی برییتیە لە تێکچوونی هۆڕمۆنەکان و کاریگەرییەکی گەورەی لەسەر هەیە.
٤: ماندویی و بێهێزی بەردەوام: تێکچوونی هۆڕمۆنەکان دەبێتە هۆی نەهێشتنی تەرکیز و ماندویی و هەستکردنی زۆر بە بێتاقەتی، تەنانەت بۆ ئەو چالاکییانەی ماندووبوونێکی زۆرێشی ناوێت.
٥: حەزی زۆر بۆ خواردن: تەنانەت دوای تێرخواردنیش کەسەکە حەزی بۆ خواردن دەچێت، ئەوەش یەکێکە لە نیشانەکانی تێکچوونی هۆڕمۆن لای ئافرەتان.
٦: ناڕێکی سووڕی مانگانە: سوڕی مانگانە ماوەکەی لە نێوان (٢١ تاوەکو ٣٥) ڕۆژدایە بەڵام دواکەوتنی سووڕی مانگانە بۆ زیاتر لە دوو مانگ و دووبارەبوونەوەی حاڵەتەکە ئاماژەیە بۆ تووشبوون بە تێکچوونی هۆڕمۆن.
٧: ژانە سەری بەردەوام: ڕەنگە یەکێک بێت لە ئەنجامەکانی ناتەواوی دەردانی هۆڕمۆنەکان لای ئافرەت.