شیری قوتو ( شیری وشک ) خراپ نییە، بەڵام هیچ کات ناگاتە کوالێتی و سوودی شیری دایک
لێرە بە وردی باسی لایەنە باش و خراپەکانی دەکەین بۆ ئەوەی باشترین بڕیار بۆ منداڵەکەت بدەیت:
بۆچی شیری دایک باشترە؟ شیری دایک تەنها خۆراک نییە، بەڵکو بەرگرییەکی سروشتیە
١: دژە تەنی تێدایە: منداڵ لە نەخۆشی و هەوکردن دەپارێزێت.
٢: هەرسکردنی ئاسانە: گەدەی مندڵ زۆر بە ئاسانی وەریدەگرێت.
٣: پەیوەندی سۆزداری: پەیوەندی نێوان دایک و کۆرپە بەهێز دەکات.
کەی پەنا بۆ شیری قوتو بەرین؟
شیری قوتو لە تاقیگەکاندا وا دروست کراوە کە لە شیری دایک بچێت و هەموو ڤیتامین و کانزاکانی تێدایە. بۆیە لەم حاڵەتەدا بەکاردێت:
١: کاتێک شیری دایک بەشی منداڵەکە ناکات یان دایکەکە نەخۆشیەکی دیاریکراوی هەبێت.
٢: کاتێک دایکەکە دەچێتە سەر کارو ناتوانێت بەردەوام شیر بدات.
٣: بۆ ئەو منداڵانەی کە کێشیان زۆر کەمە و پێویستیان بە پاڵپشتیە.
لایەنە نەرێنیەکانی شیری قوتو:
ئەگەر بەراوردی بکەین بە شیری دایک ئەم کێشانەی هەیە:
١: نەبونی دژە تەن: شیری قوتو ناتوانێت وەک شیری دایک بەرگری دروست بکات دژی ڤایرۆس.
٢: کێشەی هەرس: زۆرجار دەبێتە هۆی قەبزی یان غازات لە گەدەی منداڵەکەتدا.
٣: تێچووی دارایی: پێویستی بە بودجەی بەردەوام هەیە.
٤: مەترسی پاکو خاوێنی: ئەگەر مەمکە شووشەکە بە باشی نەکوڵێنرێت یان ئاوەکە پاک نەبێت مەترسی سک چوون و ڕشانەوە زیاد دەکات.
چەند ئامۆژگارییەک:
١: هەرگیز شیری ( مانگا ) خاو مەدە بە منداڵەکەت تا تەمەنی نەبێت بە یەک ساڵ چونکە گەدەیبەرگەی ناگرێت.
٢: ڕاوێژ بە پزیشک بکە پێش ئەوەی جۆری شیرەکە بگۆریت، دڵنیابە کە بۆ کێش و تەندروستی منداڵەکە گونجاوە.
٣: پابەندبە بە ڕێنماییەکان بڕی ئاو و شیرەکە ڕێک وەک ئەوەی لەسەر قوتوەکە نوسراوە تێکەڵ بکە.